今天是七月的最後一天
整整的一個七月我幾乎忙到透不過過氣
實在有太多的組群需要理
而且棲本都理不到那麼多的事了
為什麼今天有時間打日記﹖
就是因為今天早上要陪個case上庭
隊長同我講這事以後都會有好多的
所以現在就需要實習下了
沒有去過法院的我不知今天會看到什麼呢﹖

有一天我和一個妹妹坐在平台聊天
我告訴她我可能會在九月的時候就離開中心
估不到她的反應會這麼大
還講了些窩心的說話
弄得我和她都快要哭了
那一刻我真的很感動
我知自己所做的不是白費
她對我為她做的一切都記住了
她對我的信任比一開始多了
看到她
我不捨得
但那又如何

在外展工作了一段的時間
我真的很開心
與我的仔仔女女相處真的令我「大開眼界」
每一天所發生的都很新奇
但每一次看到他們受傷都會好心痛
真的希望他們可以早日回頭
不用別人再擔心
我知道有些仔仔和女女都改過了
這是我感恩的
我真的要謝他們這樣愛我
每次我有不開心的甚至哭的時候
他們都會陪我
謝你們﹗

下個星期二我會去面試。
明愛的社工
都不知會怎樣
但都盡力

我終於都可以放下假了。
今天就去左自修室溫左兩個鐘書。
之後就去食野。
返到屋企hea左一陣就去左跑步。
好享受今天的生活。

最近真係好忙呀﹗
而我好耐都無關心過我身邊的人。
雖然好想知佢地發生咩事，但係我連打個電話都無力。
sorry呀我身邊的好友。
希望你地可以自己保重啦。
haha~~~我唔介意你地黎關心我嫁^^

有一日同細佬傾計。
我話返俾佢聽以前佢讀大光時真係好壞。
同埋佢果d壞我覺得佢好恐怖。
真係估唔到今時今日的佢可以信主。
而且都信得唔錯。
haha~~~
我真係好想供我細佬去外國讀書。
呢一個係我出黎做野的其中一個目的。
雖然可能好辛苦，不過我覺得值得。
因為留係香港讀書就真係……唔會令佢d英文好lor~
但係宜家機會似乎又徵左好多了。
希望佢留係香港都可以有好的發展。
嗯﹗我一生人都係得佢一個細佬，我只想佢好。
haha~~~希望佢俾心機la~

負責OR的工作都年多的時間。
講真真係好多野都見過晒。
我只係想講，現今世代邪惡，咩都可能發生。

最經典的是……

1.)高小的學生就take野

2.)因為hi左野而俾人強姦

3.)小學生已經有性行為

真係要好好預備心靈
迎接每一日不同的新挑戰

我覺得今日係我返工咁耐最樣衰的一次。
唉﹗我都唔知我點解會搞成咁。
話說今日我當值的時候去左幫個miss開門。
行到出門口已經覺得有d唔對路，之後行返黎的時候就心口痛。
痛到一個地步係我連吸氣都抽住痛。
最後同事幫我call了白車。
係咁多人面前俾人抬上車，真係極樣衰。
去到醫院檢查了都唔知咩事。
最後醫生叫我留醫，不過我拒絕了。
夜晚繼續返工。
返到中心係咁俾人問侯，真係......................

P.s其實我唔鐘意去醫院係因為好怕果一種一去不返的感覺。

耐都無打xanga了，因為太忙，而且每日都好多野發生，都唔知打咩好﹗
大家睇我個樣，依然係咁，所以唔使擔心。

因為我出風"喇"(即係好似俾蚊咬咁，又腫又痕)的關係，我訓得唔好。
成日訓下又醒下，搞到我成日都頭痛。

今日難得放假，本身想好好咁留係屋企休息一下。
但係我最後都選擇左出街。
不過我唔係去玩去行街，而去安靜同重整一下自己。
我選擇了沙田圖書館的自修室。
haha~~~呢度比大埔仲要大，不過唔係好多人溫書。
咁我就拎返本日記出黎寫下我最近發生的事。
當我落筆的時候，我覺得無力，唔知由邊度開始記我d野。
因為發生好多事呀，有大多斐都係d唔開心而煩的。
但當自己一路寫的時候係好感恩，因為我已經勝過了。

之後見有時間我就睇返之前寫果d野，都一年前的事。
我竟然喊左出黎。
之前果一年的事有d都仲未解決。
係日記中我發現自己一直都係好想讀社工。
係日記中我發現自己其實係一個渴望被重視的人。
係日記中我發現自己係轉工的過程中成日都喊。
係日記中我發現自己為左屋企人曾經嬲過上帝一段時間。
係日記中我發現自己……我發現自己好多好多既野。
但係我發現自己對神的信心越黎越少
我要係呢一年多多學習。

完了自修室我就去左買禮物。
haha~~~買左兩隻酒，希望好咋la~~~因為真係唔識呢d野。
明天又要開始返工，希望我可以做到多d野。

再大果d野我都要頂住﹗